АҚШ россиялик олимларни “ўзига оғдириб” олмоқчи
Докторлик даражасига эга бўлган Россия фуқаролари учун виза тизими соддалаштирилади.
Оқ уй маъмурияти россиялик етакчи олимларни АҚШга жалб қилмоқчи. Бунинг учун мутахассисларнинг миграциясига виза талабларини соддалаштиришни режалаштирмоқда. Бу ҳақда “Bloomberg” хабар берди.
Қайд этилишича, Оқ уй россиялик юқори малакали олимлар учун айрим виза талабларини бекор қилишга тайёрланмоқда. Хусусан, Оқ уй Конгрессга йўллаган сўнгги сўровида АҚШдаги иш берувчининг меҳнат визаси олиш заруратини йўқ қилишни таклиф қилган.
Ушбу қоида АҚШ ёки хорижда фан, технология, муҳандислик ва математика бўйича магистр ёки докторлик даражасига эга бўлган Россия фуқароларига нисбатан қўлланилиши кутилмоқда.
Ушбу ташаббус Россия президенти Владимир Путиннинг юқори технологияли ресурсларини заифлаштиришга қаратилган ва узоқ муддатда Россия Федерациясининг инновацион базасини бузиши керак.
Маъмурият яримўътказгичлар, космик технологиялар, киберхавфсизлик, илғор ҳисоблаш, ядровий муҳандислик, сунъий интеллект, ракеталарни ҳаракатга келтириш технологияси ва бошқа ихтисослашган фан соҳаларида тажрибага эга россияликларни мамлакатга киришини осонлаштирмоқчи.
