Фарғонада норасмий ҳужра ташкил этган шахс ушланди
У 5 нафар фуқарога ноқонуний диний таълим бериб келган.
Жорий йилнинг 22 февраль куни Фарғона вилоят ИИБ ҳамда ДХХ ҳамкорлигида ўтказилган тезкор тадбирда фуқароларга ноқонуний диний таълим бериб келаётган шахс ушланган. Бу ҳақда УзА ахборот агентлиги хабар берди.
Қайд этилишича, Ёзёвон туманида яшовчи фуқаро диний таълим бериш учун ҳеч қандай лисензияга эга бўлмай туриб, араб тили грамматикаси бўйича таълим бериш баҳонасида ўз уйида норасмий равишда ҳужра ташкил қилган.
Таълим олувчи 5 нафар шахснинг 4 нафари вояга етмаган фуқаролар бўлган.
Ҳолат юзасидан тегишли тартибда ҳужжатлар расмийлаштирилиб, қонуний чора кўриш учун жиноят ишлар бўйича Ёзёвон тумани судига юборилган. Суд томонидан фуқарога Маъмурий жавобгарлик тўғрисидаги кодекснинг 241-моддаси билан 10 сутка маъмурий қамоқ жазоси тайинланган.
