“Coca-Cola” Россияни бутунлай тарк этиши мумкин
Якуний қарор Украинадаги вазиятга боғлиқ.
Американинг алкоголсиз ичимликлар ишлаб чиқарувчиси “The Coca-Cola” бренди Россия бозоридан тўлиқ чиқишни истисно қилмаяпти. Бу ҳақда бош директор Жеймс Куинси маълум қилди.
Куинсининг сўзларига кўра, агар Украинадаги можаро чўзилса, “Cоcа-Cоlа” Россиядаги бизнесни у ёки бу вақтда бутунлай чеклаб қўйиши мумкин.
Март ойида компания Украина атрофидаги вазият фонида Россия Федерацияси ҳудудида тадбиркорлик фаолиятини тўхтатганини эълон қилди. Нижний Новгород вилоятидаги “Cоcа-Cола” заводи ҳамон ишлашда давом этмоқда.
