Фарғонада 9 та “Дамас”ни ортиб кетаётган юк машинаси автоҳалокатга учради
Оқибатда 7 та автомашинага техник шикаст етган.
Кеча, 4 май куни Учкўприк тумани Меҳнатобод қишлоғи ҳудудидан ўтган автомобиль йўлида 3 та автомашина иштирокида йўл-транспорт ходисаси содир бўлди. Бу ҳақда ИИВ Жамоат хавфсизлиги департаменти йўл ҳаракати хавфсизлиги хизмати хабар берди.
Қайд этилишича, 1988 йилда туғилган ҳайдовчи “MAN” русумли юк автомобилида ҳаракатланаётиб, светафорнинг тақиқловчи чироғида тухтаб турган яна бир “MAN” русумли транспорт воситасининг орқа томонига бориб урилган. Олдиндаги юк машинаси ўз тиркамасида 8 дона енгил автомобилларни олиб кетаётган бўлган.
Зарб оқибатида бошқарувни йўқотган “МАN” ҳайдовчиси ўзидан олдинда бўлган “Cobalt” русумли автомобилнинг ён томонига урилган.
Ҳодисада “МАN” русумли юк машина ҳайдовчиларидан бири енгил тан жароҳати олиб, шифохонага мурожаат қилган. Бундан ташқари, тўқнашувда иштирок этган транспорт воситаларига ҳамда тиркама устига ортилган “Damas”ларнинг тўрт донасига техник шикаст етган.
Ҳозирда ушбу ҳолат юзасидан суриштирув ҳаракатлари олиб борилмоқда.
