9 май куни республикада кучли ёмғир ёғиши кутиляпти
Бу ҳақда “Ўзгидромет” шошилинч ахборот эълон қилди.
9–11 май кунлари Ўзбекистонга Кавказ ҳудудларидан салқин ҳаво кириб келади. Бу ҳақда “Ўзгидромет”нинг маълум қилди.
Қайд этилишича, 8 май куни Қорақалпоғистон Республикаси ва Хоразм вилоятида, 9-11 майда республика бўйича баъзи жойларда қисқа муддатли ёмғир ёғади, момоқалдироқ бўлиши мумкин.
9 май куни Қорақалпоғистон Республикаси, Хоразм, Бухоро ва Навоий вилоятларида, 10 май куни Бухоро ва Навоий вилоятларида, 10-11 май кунлари Тошкент, Самарқанд, Жиззах, Сирдарё, Қашқадарё, Сурхондарё ва Фарғона водийси вилоятларининг баъзи жойларда кучли ёмғир ёғиши мумкин.
8-10 майда республика бўйича баъзи жойларда шамол 15-20 метр/секундгача, шимолда ва чўл ҳудудларда 22-25 метр/секундгача кучайиши кутилмоқда. Айрим жойларда чанг тўзонлари кузатилиши мумкин.
10-11 май кунлари кундузги ҳаво ҳарорати 20-25 дарачагача пасаяди.
