Ўзбекистон ва Қирғизистон ТИВ рахбарлари телефонлашди
Суҳбат чоғида қўшничилик муносабатлари муҳокама қилинган.
Бугун, 6 май куни Ўзбекистон Ташқи ишлар вазири вазифасини бажарувчи Владимир Норов Қирғиз Республикаси Ташқи ишлар вазири Жеенбек Кулубаев билан телефон орқали мулоқот қилди. Бу ҳақда ТИВ матбуот хизмати хабар берди.
Қайд этилишича, Владимир Норов Норов суҳбат аввалида Жеенбек Кулубаевни лавозимга тайинлангани билан табриклади ва унинг касбий фаолиятида муваффақиятлар тилаган.
Томонлар турли соҳаларда Ўзбекистон ва Қирғизистон ўртасидаги яхши қўшничилик ва стратегик шериклик муносабатларининг долзарб масалаларини муҳокама қилган. Икки мамлакат раҳбарларининг сиёсий иродаси туфайли кейинги йилларда Ўзбекистон билан Қирғизистон ўртасидаги ҳамкорлик сифат жиҳатидан янги босқичга кўтарилгани, янги мазмун билан бойигани таъкидланган.
Олий даражадаги учрашувлар чоғида эришилган келишувларни ўз вақтида ва сифатли амалга ошириш, сиёсий-дипломатик, савдо-иқтисодий, транспорт, маданий-гуманитар ва бошқа соҳалардаги алоқаларни янада жадаллаштириш бўйича чораларни амалга ошириш лозимлиги таъкидланган.
Шунингдек, бўлажак тадбирлар жадвали, кун тартиби ва ташкилий жиҳатлари кўриб чиқилган.
Илиқ ва дўстона руҳда ўтган суҳбат якунида мунтазам алоқаларни давом эттириш бўйича келишувга эришилган.
