“Катта еттилик” давлатлари Россияга янги санкциялар киритмоқчи
Айни пайтда G7 давлатлари ва Зеленский иштирокида онлайн конференция бўлиб ўтмоқда.
Бугун, 8 май куни “Катта еттилик” давлатлари етакчилари ва Зеленскийнинг виртуал учрашуви бўлиб ўтмоқда. Унда Россияга қарши янги санкцияларни киритиш муҳокама қилиниши мумкин. Бу ҳақда “Bloomberg” ахборот агентлиги хабар берди.
“Онлайн учрашув мамлакатлар учун ҳар қандай чора-тадбирларни мувофиқлаштириш ва потенциал такомиллаштириш имкониятини беради”, — деб ёзади агентлик.
Бундан олдин АҚСГ президенти Жо Байден Вашингтон Россияга қарши янги санкциялар киритишга доим очиқ эканлигини ва буни “G7”даги ҳамкорлар билан муҳокама қилишини айтганди.
“Катта еттилик” йиғилиши ЕИда Россияга қарши санкцияларнинг олтинчи пакетига тайёргарлик кўриш фонида бўлиб ўтади. Хабар қилинишича, ЕИ давлатларининг доимий вакиллари янги чоралар, хусусан, Россия нефтини импорт қилишни тақиқлаш бўйича ҳалигача консенсусга эриша олмаган.
