Россия Президенти Шавкат Мирзиёевга табрик йўллади
Қутлов Улуғ Ватан урушида қозонилган Ғалабанинг 77 йиллиги муносабати билан амалга оширилган.
Россия Президенти Владимир Путин Ғалабанинг 77 йиллиги муносабати билан бир қатор давлат раҳбарларига, шу жумладан, Ўзбекистон етакчиси Шавкат Мирзиёевга табрик йўллади. Бу ҳақда Кремль матбуот хизматига таяниб, “Спутник” хабар берди.
“Турли мамлакатлар одамларига жуда кўп азоб-уқубатлар келтирган нацизмнинг қайта тикланишига йўл қўймаслик бугунги кундаги умумий бурчимиздир. Уруш йиллари воқеалари, умумий маънавий қадриятлар ва қардошлик дўстлиги анъаналари ҳақидаги ҳақиқатни асраб-авайлаш ва авлодларга етказиш зарур”, — дейилади табрикда.
Юқоридаги мазмундаги табрик Озарбайжон, Арманистон, Беларусь, Қозоғистон, Қирғизистон, Тожикистон, Туркманистон, Молдова, Абхазия, Жанубий Осетия, Донец халқ республикаси, Луганск халқ республикаси раҳбарлари ҳамда Украина ва Грузия халқларига ҳам йўлланган.
