Россиядаги ўрмон ёнғинларида 7 киши ҳалок бўлди
14 киши касалхонага ётқизилган.
Кеча, 7 май куни Красноярск ўлкасидаги ёнғин йигирмага яқин аҳоли пунктларини қамраб олди. Бунга электр симларининг узилиши, қисқа туташув ва ёнғинга эҳтиёцизлик билан муносабатда бўлиш сабаб бўлган.
Ёнғинларнинг тез тарқалишига шамолнинг 40 метр/секунд тезликда эсиши сабаб бўлгани айтилмоқда.
“Ёнғинлар натижасида 7 киши ҳалок бўлди, 17 киши тан жароҳати олди, улардан 14 нафари касалхонага ётқизилди. Барча ёнғинлар бартараф этилди. Бу уларнинг кейинги тарқалиш хавфи минималлаштирилганлигини англатади. Вилоятнинг 13 та муниципал туманида ёнғинни ўчириш давом этмоқда”, — дейилади Россия Фавқулодда вазиятлар вазирлиги хабарида.
Красноярск ўлкасидаги ёнғинлар натижасида зарар кўрган биноларнинг ярмидан кўпи турар-жой биноларидир. Ёнғин оқибатида жами 484 та бино зарар кўрган. Ёнғинларни ўчиришга 814 киши, 294 дона техника жалб этилган.
Россия президенти Владимир Путин табиий ёнғинларда ҳалок бўлганларнинг оила аъзолари ва яқинларига, шунингдек, ёнғин тарқалиши натижасида уй-жойидан айрилганларга ёрдам бериш учун барча чораларни кўришни айтган.
