Cамарқанддаги фермер хўжалигида бир киши ўлдириб кетилди
Иш юзасидан икки нафар шахс тергов қилинмоқда.
Ижтимоий тармоқда Самарқанд вилояти Каттақўрғон туманидаги “Элмурод Қурбонов” номли фермерлар уюшмасида мудҳиш қотиллик юз бергани ҳақида хабарлар тарқалди. Вилоят прокуратураcи ҳолат юзасидан расмий муносабат билдирди.
Маълум қилинишича, воқеа 8 май куни Каттақўрғон тумани “Найман” маҳалласи содир бўлган.
Суд тиббий экспертининг маълумотномасига кўра, марҳум Ф.Қ.нинг танасида, яъни ўнг елка бўғими, ўнг тирсак буғими, ўнг тизза буғими соҳасида, ҳамда кўкрак қафаси чап томонида шилинмалари, кўкрак қафаси орқа юзасида санчилиб кесилган яралари, кўкрак қафаси орқа юзаси плевра бўшлиғига тешиб ўтиб, иккала ўпкани жароҳатловчи санчилиб кесилган яралари бўлиб, марҳумнинг ўлими ички ва ташқи қон кетишдан келиб чиққанлиги кўрсатилган.
Ҳозирда мазкур ҳолат юзасидан Каттақўрғон туман прокуратураси томонидан томонидан Ўзбекистон Республикаси ЖКнинг 97-моддаси 1-қисми билан жиноят иши қўзғатилиб, 2 нафар фуқаролар гумонланувчи сифатида жалб қилиниб, дастлабки тергов ҳаракатлари туман прокуратураси томонидан олиб борилмоқда.
