Тожикистон чегарачилари жанговар ҳолатга келтирилди
Бунга Афғонистон томонидан ракета учирилиши сабаб бўлган.
Бугун, 7 май куни Афғонистоннинг Тахор вилоятидаги Ҳожағар ҳудудида “Толибон” ва “Ислом давлати” ўртасида тўқнашув юз берди. Тўқнашув Тожикистон давлат чегарасига яқин жойда, яъни 12-сонли чегара заставаси рўпарасида содир бўлган.
Жанг оқибатида ўқлар Тожикистон ҳудудига ҳам учиб ўтган. Тожикистон томонидан қурбонлар ва моддий зарар қайд этилмаган.
Айни пайтда Тожикистонда чегарачилар тўлиқ жанговар шай ҳолатига келтирилган. Бу ҳақда мамлакат Миллий хавфсизлик давлат қўмитаси чегара қўшинлари матбуот хизмати хабар бермоқда.
Қўмита ҳозир тожик-афғон чегарасидаги вазият барқарор деб баҳоланаётгани ва у тожикистонлик чегарачилар назорати остида эканини қўшимча қилган.
