Украина гречка ва гуруч экспортини чеклади
Аввалроқ гўшт маҳсулотлари экспортига квотa киритилганди.
Украина тақчилликнинг олдини олиш учун гречка, гуруч ва сули экспортига чекловлар киритди. Бу ҳақда “Репорт” нашри хабар бермоқда.
Қайд этилишича, мазкур қарор шанба куни Украинанинг аграр сиёсат ва озиқ-овқат вазири ўринбосари Тарас Висотский томонидан эълон қилинган.
“Чекловлар ҳарбий ҳолат даврида амал қилади”, — деган вазир.
Эслатиб ўтамиз, март ойи бошида Украина ҳукумати экспорти лицензияланиши керак бўлган маҳсулотлар рўйхатини кенгайтириб, уни буғдой, маккажўхори, гўшт ва маҳаллий товуқ тухумлари ва кунгабоқар ёғи билан тўлдирган. Бундан ташқари, қорамоллар, уларнинг гўшти, туз, шакар, жавдар, тариқ ва истеъмол қилинадиган гўшт маҳсулотлари экспортига квоталар жорий этилган.
