Хитойда осмон қонга ўхшаш қизил рангга кирди
Ҳолат юзасидан маҳаллий метеорологлар изоҳ берди.
Ижтимоий тармоқда Хитойнинг Чжоушан шаҳрида осмон қизил рангга киргани акс этган видеолавҳа тарқалди. Воқеа гувоҳлари бундай ҳодиса олдин кузатилмаганини қайд этишган.
Маҳаллий метеоролoгларнинг фикрича, ҳодисага булутларнинг кема бортидаги чироқ нурларини қайтариши сабаб бўлган.
ОАВ буни ҳудуддаги кимё заводида бўёқ ишлаб чиқарилиши билан боғламоқда.
Бундан олдин, 2019 йил сентябрь ойида Индонезияда ҳам шунга ўхшаш ҳодиса рўй берганди. Унда ўрмон ёнғинлари сабаб осмон қизил рангга кирганди.
