Россияликлар яна бир танловдан четлатилиш арафасида
Мамлакат “Коинот гўзали” халқаро гўзаллик танловидан бутунлай чиқариб юборилиши мумкин.
Россия “Коинот гўзали” халқаро гўзаллик танловидан бутунлай чиқариб юборилади. Танлов раҳбарияти украиналикларнинг бу ташаббуси ҳақида хабардор қилинган.
“Ташкилотчилар бу борада тўғри қарор қабул қилишига ишончимиз комил. Россия ҳеч қачон бу танловда бошқа иштирок этмаслиги керак, чунки бу Россия вакилини ўз ёнида кўришни истамайдиган кўплаб давлатларни ғазаблантиради”, — дейди “Украина ғўзали” танлови раҳбарияти.
Хабарда шунингдек, “Коинот гўзали” президенти Паула Шугарт Россия урушига қарши курашда Украинани қўллаб-қувватлашини қўшимча қилди. Ташкилот Украинага ҳам молиявий, ҳам ахборот жиҳатидан ёрдам беради.
“Уларнинг ташкилоти кўп миқдорда хайрия ҳиссаларини қўшди ва маълумотлар билан ёрдам берди. Хорижликлар ўз ресурсларида Украинага қандай ёрдам бериши мумкинлиги ҳақида эслатмаларни жойлаштирди”, — дея қўшимча қилди танлов раҳбарияти.
