Самарқандлик тадбиркор 700 млн сўм кредит маблағини “еб кетди”
У ер майдонига томчилатиб суғориш технологиялари олиб келиш мақсадида жиноят содир этган.
Бош прокуратура ҳузуридаги Департаментнинг Каттақўрғон туман бўлими томонидан ўтказилган терговга қадар текширувда, “M.B.” фермер хўжалиги раҳбари А.Х.нинг жиноят содир этгани аниқланди.
Маълум бўлишича, у Каттақўрғон туманининг “Янгиҳаёт” массивидаги 40 гектар пахта ер майдонига томчилатиб суғориш технологияларини олиб келиб ўрнатиш учун банк муассасасидан 700 млн сўм кредит олишга муваффақ бўлган, бироқ пулларни ўзлаштиришни кўзлаб, ер майдонининг 26 гектарига эски ва сифатсиз ускуналарни ўрнатган. Кейинчалик ускуналарни яна қайтариб олиб кетиб, кредит маблағини ўз шахсий манфаатлари йўлида сарф этган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
