Фаластинда журналист аёл отиб ўлдирилди
У қочқинлар ҳаёти ҳақида лавҳа тайёрлаётган бўлган.
Исроил ҳарбийлари Иордан дарёсининг Ғарбий қирғоғида журналист аёлни отиб ташлади. Бу ҳақда “Anadolu” агентлиги хабар берди.
Фаластин соғлиқни сақлаш вазирлиги маълумотларига кўра, Ширин Абу Акла қочқинлар лагеридаги ҳаётни ёритиб борган. У бошидан яраланган ва оқибатда вафот этган. Ширин “Al Jazeera” телеканали мухбири бўлган.
Телеканал мухбирнинг махсус “press” ёзувли нимчада бўлганини таъкидлаган. Бундан ташқари, Али ас-Самуди исмли журналист ҳам жароҳатланган, аммо унинг ҳолати қониқарли.
Аввалроқ Ўзбекистон ТИВ Шарқий Қуддусдаги вазиятдан жиддий хавотир билдирганди.
