Стол тенниси ўйнаётган президентлар
Расмий тадбирлардан сўнг Қозоғистон ва Туркия президентлари стол тенниси ўйнади.
Бу ҳақда Қозоғистон Президент матбуот хизмати Telegram саҳифасида хабар берди.
Эслатиб ўтамиз, айни кунларда Қосим-Жўмарт Тўқаев давлат ташрифи билан Туркияда бўлиб турибди.
Анқарага давлат ташрифи доирасида Тўқаев Туркия президенти Ражаб Тоййиб Эрдоған билан музокаралар ўтказди. Натижада, икки томонлама ҳамкорликни ривожлантиришга қаратилган 14 та муҳим ҳужжат имзоланди. Қозоғистон ва Туркия етакчилари икки давлат ўртасидаги муносабатларни «кенгайтирилган стратегик шериклик» даражасига кўтаришга қарор қилди.
Президентлари кенгайтирилган стратегик шериклик тўғрисида қўшма баёнот берди. Кун якунида Қосим-Жўмарт Тўқаев ва Ражаб Тоййиб Эрдоған ОАВ вакилларига брифинг ўтказди.
