Фарғонада юк машина 3 та автомобиль билан тўқнашди
Ҳодиса оқибатида 1 киши вафот этган.
Фарғона вилояти Марғилон шаҳрида 4 та автомашина иштирокида йўл-транспорт ҳодисаси содир бўлди. Бу ҳақда ЙҲХХ хабар берди.
Қайд этилишича, воқеа бугун, 14 май куни соат 00.30 атрофида Марғилон шаҳри ҳудудидан ўтувчи 4P-112 автомобиль йўлининг 228-километридаги айланма йўлда содир бўлган. 1997 йилда туғилган ҳайдовчи “Man” русумли юк автомобилида ҳаракатланаётиб, руль бошқарувини йўқотган ва транспорт воситаси ағдарилган. Шундан сўнг у йўл четида тўхтаб турган 3 та енгил автомобилларга тўқнашган.
Ҳодиса оқибатида тўхтаб турган “Lacetti” автомобилининг ҳайдовчиси, 1980 йилда туғилган фуқаро шифохонада вафот этган. Шунингдек, юк автомобили ҳайдовчиси тан жароҳати билан шифохонага ётқизилган.
Ҳозирда мазкур ЙТҲ юзасидан Марғилон шаҳар ИИБ ҳузуридаги ТБ ходимлари томонидан дастлабки терговолди суриштирув ҳаракатлари олиб борилмоқда.
