Паркентда сел тошқини кузатилди
Оқибатда аҳоли томорқаларини сув босган.
Тошкент вилояти Паркент туманида кузатилаётган ёғингарчиликлар сойларда сел сувларини тўлиб оқишига олиб келмоқда. Бу ҳақда ФВВ ахборот хизмати хабар берди.
Қайд этилишича, бугун, 14 май куни соат тахминан 17:50да Паркент тумани “Чанги” кишлоғида қисқа муддатли кучли ёмғир ёғиши натижасида сел оқими ҳосил бўлиб, сойларда сел сувларини тўлиб оқиши, ички ариқлар қувурларига шох-шабба ва тоғ жинсларини тиқилиб қолиши оқибатида ички кўчаларга ва аҳоли томорқаларига сел сувларини тошиши ҳолатлари кузатилган.
Айни вақтда юзага келиши мумкин бўлган фавқулодда вазиятларни олдини олиш мақсадида аҳоли хонадонлари ва ички кўчаларда тўпланаётган сувларни чиқариб ташлаш ишлари олиб борилмоқда.
