АҚШда 18 ёшли йигит 10 кишини отиб ташлади
Ҳодисага ирқий нафрат сабаб бўлгани айтилмоқда.
Американинг Буффало шаҳридаги “Tops Friendly Market” савдо дўконида отишма содир бўлди. Бу ҳақда “Вести” нашри хабар берди.
Қайд этилишича, 18 ёшли нацист Пейтон Джендрон қуролланган ҳолда супермаркетга келиб, кўчада турганларни ва дўкон ичидагиларни автоматдан отиб ташлаган.
Дастлабки маьлумотларга кўра, ҳодисада 10 киши вафот этган ва 3 киши жароҳат олган. Уларнинг аксарияти қора танлилар. Қотил инсонларни отиб ташлаш жараёнини бошидаги каскага видеокамера ўрнатиб, Twitch ижтимоий тармоғи орқали жонли трансляция қилган.
У қуролига норвегиялик қотил Андерс Брейвек исмини ёзган. Эслатиб ўтамиз Андерс Брейвик 2011 йилда Норвегиянинг Утойя оролида 77 нафар шахсни отиб ўлдирган ва 151 кишини жароҳатлаган эди.
