Қашқадарёда сендвич панеллар ишлаб чиқариш йўлга қўйилди
Бунгача ушбу маҳсулотлар Тошкент ва Самарқанддан олиб келинган.
Қарши шаҳридаги Қавали кичик саноат зонасида сендвич панеллар ишлаб чиқариш йўлга қўйилди. Бу ҳақда вилоят ҳокимлиги ахборот хизмати маълум қилди.
Қайд этилишича, қиймати қарийб 9 млрдни ташкил этган лойиҳа 14 500 кв.м сендвич панеллар ишлаб чиқариш қувватига эга. Корхонада 30 та иш ўрни яратилган. Ишлаб чиқаришни ҳажми ортиши эвазига иш ўринлари 85 тага етиши режа қилинган.
Очилиш маросимда қатнашган вилоят ҳокими Муротжон Азимов ушбу маҳсулотлар ҳозиргача Тошкент шаҳри ва Самарқанд вилоятларидан олиб келиниши кўп вақтни олиши ёки нархни юқорилаб кетишига сабаб бўлганини таъкидлаб, бу каби ишлаб чиқариш лойиҳаларини кўпайтириш ҳам бюджетга, ҳам аҳолини иш билан таъминлашга замин яратишини айтиб ўтган.
