Андижонда ёғоч-машиналар ясалмоқда
Асли фарғоналик наққош ёғоч ўймакорлигида янги йўналишга қўл урди.
Андижондаги устахонада ёғоч деталлар ёрдамида турли кўринишдаги автомашиналар ясалмоқда. Бу ҳақда “Янги давр” информацион дастурида хабар қилинди.
Қайд этилишича, асли фарғоналик Бахтиёр исмли наққош Андижонда яшаб, ижод қилади. Унинг устахонасида чет эл автомобиллари, ҳарбий техникалар ва юк машиналарининг ёғоч вариантлари ясалади.
“Бу йўналишда ҳар хил нарсаларни тайёрлаб кўрдик. Ёғоч ўймакорлигида янгилик қилиш мақсадида энди автомобилларни ясашни бошладик”, — дейди уста.
Таъкидланишича, қўл меҳнати ёрдамида тайёланган ушбу машиналар ўйинчоқ эмас, санъат асари ҳисобланади. Битта маҳсулотни ясаш учун 20 кундан 1 ойгача вақт сарфланади.
Жавоҳирбек ТУРСУНОВ
