Европа Иттифоқи Украинага 9 млрд евро ажратaди
Еврокомиссия мамлакат иқтисодиётини тиклаш учун давлатларни бирлаштирмоқчи.
Еврокомиссия Украинага яна бир макромолиявий ёрдам пакетини ажратишни таклиф қилди. Унинг миқдори 2022 йилда 9 миллиард еврогача бўлиши мумкин. Бу ҳақда Европа Иттифоқи президенти Твиттерда маълум қилди.
Еврокомиссия Украина иқтисодиётини тиклаш дастурини яратишни ва бу йўналишда Иттифоққа аъзо давлатлар, халқаро ҳомийлар, молия институтлари ва бошқа шерикларнинг саъй-ҳаракатларини бирлаштиришни таклиф қилмоқда. Фон дер Лееннинг фикрича, иқтисодий тикланиш сармоя ва ислоҳотлар комбинацияси орқали амалга оширилиши керак.
Иттифоқ президенти, шунингдек, Европа Иттифоқи мамлакатлари томонидан мудофаа харажатлари ортганини эслатиб ўтди ва бу маблағларни сарфлашда мувофиқлаштириш зарурлигини қайд этди. У Европа Иттифоқи мамлакатлари билан мудофаа таъминотини биргаликда режалаштириш билан шуғулланадиган ишчи гуруҳ тузмоқчи.
