Путиннинг қизи Екатерина балетчи Зеленский билан оила қурди
У аввалроқ Кирилл Шамалов билан ажрашган эди.
Россия Президенти Владимир Путиннинг қизи Екатерина Тихонова Бавария давлат балетининг собиқ бадиий раҳбари Игор Зеленский билан оила қурди.
Маълумотларга кўра, Кирилл Шамалов билан бир неча йил олдин ажрашган 35 ёшли Тихонова сўнгги йилларда ўзининг янги турмуш ўртоғи билан икки мамлакатда - Россия ва Германияда яшаган. Уларнинг ҳатто қизи ҳам бор.
52 ёшли Игор Зеленский таниқли балет раққосаси ҳисобланади. Яқин вақтгача у Бавария давлат балетига режиссорлик қилган ва 2022 йилнинг апрелида, шартнома муддати тугашидан анча олдин истеъфога чиққан.
Эслатиб ўтамиз, аввалроқ Ғарбнинг Россияга насбатан жорий қилган санкциялари президент Владимир Путиннинг оиласига, хусусан унинг қизларига ҳам тегишли экани хабар қилинганди.
