22 май куни Тошкентда айрим кўчалар ёпилади
Шу куни пойтахтда триатлон бўйича очиқ чемпионат бўлиб ўтади.
Жорий йилнинг 22 май куни Тошкентда “Uzexpocenter” ва “Intercontinental” кўргазмалар мажмуасининг ҳудудида триатлон бўйича Ўзбекистон очиқ чемпионати бўлиб ўтади.
Шу муносабат билан якшанба куни соат 6:00 дан 13:00 гача қуйидаги йўналишларда автомобиллар ҳаракати чекланади:
• Кичик халқа автомобил йўли — Бўзсув кўпригидан (мўлжал: Минор масжиди ва Малика) Чингиз Айтматов кўчаси билан кесишмагача;
• Шароф Рашидов шоҳкўчаси — Халқаро бизнес марказидан Осиё кўчаси билан кесишмагача.
“Ноқулайликлар учун узр сўраймиз ва ҳайдовчиларга айланма йўллардан фойдаланишни тавсия қиламиз”, — дейилади Тошкент шаҳар ҳокимлиги матбуот хизмати хабарида.
