Маймунчечак дунё бўйлаб тез тарқалмоқда
ЖССТ касаллик авж олиши туфайли фавқулодда йиғилиш ўтказмоқда.
Маймунчечак касаллиги дунё бўйлаб тез тарқалмоқда. Қўшма Штатлар, Канада, Австралия, Испания, Португалия ва Буюк Британияда маймунчечакнинг бир нечта ҳолатлари текширилмоқда. Ушбу инфекция аниқланган мамлакатлар рўйхатида Франсия, Италия, Швеция ва Австралия ҳам бор.
Маълумотларга кўра, маймунчечак кўпинча Марказий ва Ғарбий Африканинг чекка ҳудудларида учрайди. Бу камдан-кам учрайдиган вирусли инфекция ҳисобланиб, касаллик, одатда, нисбатан енгил кечади ва кўпчилик бир неча ҳафта ичида тузалиб кетади. Унинг симптомлари 14 кундан 21 кунгача давом этади. Терининг таъсирланган жойларида қичишиш ёки оғриқ сезилиши мумкин.
Аввалроқ Россия ҳукумати мамлакатнинг Украина билан чегарадош ҳудудларида вабо тарқалишига тайёргарлик кўра бошлагани хабар қилинганди.
