АҚШ КХДР ва Хитойга вакцина етказиб беришни таклиф қилди – Байден
12 май куни Шимолий Кореяда коронавирус ҳолатлари расман аниқланган эди.
АҚШ Шимолий Кореяга коронавирусга қарши вакцина етказиб беришни таклиф қилди. Бу ҳақда Жозеф Байден Жанубий Корея президенти Юн Сок Ёль билан музокара якунлари юзасидан ташкил қилинган матбуот анжуманида айтиб ўтган.
“Биз Шимолий Кореяга, шунингдек, Хитойга вакцина таклиф қилдик”, – деган у. Шу билан бирга АҚШ президенти айнан қайси компания вакциналарини етказиб бериш ҳақида маълумот бермаган.
12 май куни КХДРда коронавирус ҳолатлари аниқлангани тўғрисида расман хабар берилди. Шундан кейин мамлакатда локдаун жорий этилди. Ҳозирга қадар мамлакатда 2.46 миллион касалланиш ҳолатлари аниқланган.
