Байден АҚШнинг Ўзбекистондаги янги элчиси номзодини маълум қилди
Амалдаги элчи Дэниел Розенблюм фаолиятини бошлаганига уч йилдан ошди.
АҚШ президенти Жо Байден мамлакатнинг Ўзбекистондаги Ўзбекистондаги Фавқулодда ва Мухтор элчиси сифатида узоқ йиллик тажрибага эга дипломат Жонатан Ҳеник номзодини кўрсатди. Оқ уй буни 20 май куни эълон қилган.
Ҳеник Конгресснинг юқори палатаси, Сенат тасдиғидан ўтиши керак. Американинг Тошкентдаги жорий элчиси Даниел Розенблум фаолиятини бошлаганига уч йилдан ошди. Ҳеник тўлиқ тасдиқлангунча, Розенблум амалдаги вазифасини давом эттиради.
Маълумот ўрнида, Нью-Йоркда улғайган Ҳеник яқингача Давлат департаментида Марказий Осиё бўйича бош дипломат эди.
Айни дамда номзод АҚШ Мудофаа университетининг Киберхавфсизлик ва ахборот коллежида Давлат департаментининг масъули сифатида фаолият олиб бормоқда. Дипломат дезинформацияга қарши кураш бўйича ўткир мутахассис ҳисобланади.
Ҳеник, шунингдек, халқ дипломатияси йўналишида узоқ йиллар хизмат қилган.
Эслатиб ўтамиз, аввалроқ Ўзбекистонга АҚШ делегацияси ташриф буюриши хабар қилинганди.
