Жо Байден ва ўғлининг Россияга кириши тақиқланди
«Қора рўйхат»га АҚШ Сенатнинг деярли тўлақонли аъзолари киритилди.
Россия Ташқи ишлар вазирлиги мамлакатга доимий равишда кириши тақиқланган ва шахсий санкциялар қўлланилган 963 нафар америкалик фуқаролар рўйхатини эълон қилди. Рўйхатга АҚШ президенти Жо Байден ва унинг ўғли Хантер киритилган. Бу ҳақда Россия ТИВ матбуот хизмати хабар берди.
Рўйхатда Конгресс ва Сенатнинг деярли тўлақонли аъзолари ҳамда Пентагон раҳбари Ллойд Остин ҳам бор
Шунингдек, "қора рўйхат"га "Blackwater PMC" асосчиси Эрик Принс, Оқ уйнинг собиқ матбуот котиби Жен Псаки, Давлат департаменти спикери Нед Прайс киритилган.
Шу билан бирга Россия Канада учун ҳам худди шундай рўйхатни эълон қилди, унда Бош вазир Жастин Трюдо ҳам бор эди.
