Наманганда Халқаро гуллар фестивали старт олди
Байрам гуллар автопаради билан бошланган.
Бугун, 22 май куни Наманган вилоятида 61-Халқаро гуллар фестивалига старт берилди. Бу ҳақда вилоят ҳокимлиги матбуот хизмати хабар бермоқда.
Қайд этилишича, байрам Наманган халқаро аэропортида Гуллар автопаради билан бошланган. Автопараддан ўрин олган турли транспорт техникаларида халқлар дўстлиги композицияси тасвирланган.
Вилоят марказидаги Тинчлик хиёбонида фестивалнинг расмий очилиш маросими бўлиб ўтган.Унда вилоятимиз фаоллари, мартабали меҳмонлар, чет эл делегациялари ОАВ вакиллари ва блогерлар, кенг жамоатчилик иштирок этган. Хорижлик меҳмонлар Заҳириддин Муҳаммад Бобур номли маданият ва истироҳат боғида гуллар экспозициялари билан танишиб, гулчилар билан суҳбатлашган.
Маълумот учун: Наманган шаҳридаги гуллар фестивали 5 июнга қадар давом этади.
