Украинада «V» ва «Z» белгиларидан фойдаланиш тақиқланди
Мазкур белгиларни энди кийим-кечакларда қўллаш ва ижтимоий тармоқлар орқали тарқатиш мумкин эмас.
Бугун, 22 май куни Украина Олий Радасининг йиғилишида президент киритган тузатишларни инобатга олган ҳолда, «V» ва «Z» белгиларидан фойдаланишни тақиқловчи қонун лойиҳасини маъқуллади. Парламент бу қарорни рус пропагандасига қарши кураш доирасида қабул қилган.
Маълум қилинишича, янги қонун лотинча «V» ва «Z» ҳарфларини алоҳида қўллашни ва уларни кирил алифбосидаги «З», «С», «В», «Ф» ҳарфлари билан алмаштиришни тақиқлайди.
Шунингдек, энди Украинада тақиқланган рамзларни кийим-кечакларга, реклама афишаларига қўллаш ёки ижтимоий тармоқларда тарқатиш мумкин эмас. Бундан ташқари, 24 февралдан кейин яратилган фильмлар, телекўрсатувлар ва бошқа видеоматериалларда ушбу белгилардан фойдаланиш тақиқланади.
