АҚШ Тайваннинг мудофаа салоҳиятини кучайтириш ниятида

 

АҚШ Украинага қурол етказиб бериш тажрибасидан келиб чиқиб Тайваннинг мудофаа салоҳиятини кучайтиришни тезлаштирди. Бу ҳақда ўз манбаларига асосланиб The New York Times  хабар берди.

 

Унга кўра, АҚШ Хитойнинг эҳтимолий ҳужумини олдини олиш учун минтақадаги ҳарбий иштирокини кучайтирмоқчи. Шу мақсадда Тайваннинг мудофаа салоҳиятини мустаҳкамлаш мақсад қилинган.

 

Вашингтон бу борада Киевга қурол етказиб бериш тажрибасини ўрганиб чиқмоқда. АҚШ администрациянинг айрим амалдорлари оролда қурол ва бошқа воситаларни кўпайтирмоқчи. Агар бу режа амалга ошса, Тайванга ҳужум ўта қимматга тушиши мумкин.  

 

Шунинг учун Вашингтон тайванликларга F-16V қирувчи самолётлари, реактив тизимлар ва кемага қарши қуроллар сотишни ваъда қилган. Бундан ташқари, Украинада бўлгани каби Тайванга ҳам разведка маълумотлари тақдим  этилиши мумкин.

 

Тайвань 1949 йилдан буён шахсий администрацияси томонидан бошқариб келинади. Бу ерга Хитой фуқаролар урушида Гоминдан армиясига бошчилик қилган Чан Кайши бошчилигидаги кучлар жойлашади. Ўша пайтдан буён Тайвань шахсий байроқ ва айрим рамзларни сақлаб келади.  Аммо халқаро ҳуқуқ нуқтайи назаридан орол Хитойнинг ажралмас қисми ҳисобланиб, бу дунёнинг деярли барча давлатлари томонидан тан олинади.

 

Аввалроқ Хитой Тайваннинг ЖССТга таклиф қилинишига қарши чиққанди.