Бухорода мактаб битирувчиси директорнинг устига сув сепиб юборди
Вилоят ХТБ байрам вақтида юз берган ҳолат сабабини маълум қилди.
Бухоро вилояти Бухоро шаҳридаги 19-умумий ўрта таълим мактабида ўқувчи Сўнгги қўнғироқ байрами вақтида мактаб директори устига сув сепиб юборди.
.
Мазкур ҳолатга аниқлик киритиш мақсадида вилоят халқ таълими бошқармаси масуллари томонидан дастлабги ўрганиш ишлари олиб борилган.
Ўрганишлар жараёнида мактабнинг 11-синфида таҳсил олаётган ўқувчи шу куни ўтказилган тадбир давомида унга фахрий ёрлиқ берилмаганлигидан норози бўлиб, жаҳл устида мактаб директорининг устига сув сепиб юборганлиги аниқланган.
Ҳозирда ўқувчининг хатти-ҳаракати юзасидан унинг ота-онаси билан биргаликда ИИБ томонидан ўрганиш ишлари олиб борилмоқда. Вилоят халқ таълими бошқармаси ўрганиш натижаси бўйича қўшимча маълумот беришини ва тегишли қонуний чора кўрилишини маълум қилди.
