Ван И Россия ва Украинада “яшил йўлак”лар ташкил этишни таклиф қилди
Бундан кўзланган мақсад очиқланди
Хитой ташқи ишлар вазири Россия ва Украинадан дон олиб чиқиш учун “яшил йўлак” яратишни таклиф қилди. Бу ҳақда у германиялик ҳамкасби Анналена Бербок билан мулоқот пайтида маълум қилган.
“Мавжуд вазиятда халқаро ҳамжамият зудлик билан ўт очишни тўхтатишга чақириши ва Россия ҳамда Украинадан ғалла олиб чиқиш учун “яшил коридор” ташкил қилиш устида ишлаши керак. Хитой барча томонлар билан бу бўйича ишлашга тайёр”, – деган дипломат.
Ван И Пекин ҳеч қачон халқаро ҳамжамиятга тегишли масалаларни ҳал қилинишида четда турмаслигини таъкидлаган. Шу билан бирга дипломат ХХР муҳтож давлатларга озиқ-овқат ёрдами бериб келаётганини эслатиб ўтган.
Аввалроқ Буюк Британия Украинага дон экспорт қилишда ёрдам бериши маълум бўлганди.
