Қашқадарёда 3 та автомобиль тўқнашуви содир бўлди
ЙҲХХ ҳодиса тафсилотларини маълум қилди.
Қашқадарё вилояти Қамаши туманида 3 та автомобиль иштирокида йўл-транспорт ҳодисаси содир бўлди. Ҳолат юзасидан ЙҲХХ маълумот берди.
Қайд этилишича, воқеа бугун, 26 май куни Қамаши тумани ҳудудидан ўтган “Қарши–Чем–Чироқчи–Шаҳрисабз” автомобиль йўлининг 57-километрида содир бўлган. Унда С.А. бошқарувидаги “Nexia”, Х.Э. бошқарувидаги “Lacetti” ва Ф.Ю. бошқарувида бўлган “Spark” автомашианалари ўзаро тўқнашиб кетган.
Ҳодиса оқибатида ҳеч ким тан жароҳати олмаган. Автомобилларга техник шикаст етган. Ҳозирда мазкур ЙТҲ юзасидан Қамаши тумани ИИБ ЙҲХБ ходимлари томонидан суриштирув олиб борилмоқда.
