Токио ва Вашингтон Шимолий Кореяга "огоҳлантирувчи сигнал" юборди
Япония ва АҚШ ҳарбийлари қўшма машғулот ўтказди.
Япония мудофаа кучлари ва АҚШ ҳарбийлари Япон денгизида қўшма ҳарбий машғулот ўтказди. Бу ҳақда Япония мудофаа кучлари штаб бошлиқлари бирлашган қўмитаси маълумот берди.
Токио томонидан машғулотларга 4 дона F-15, Вашингтон томонидан эса 4 дона F-16 қирувчи самолётлари қатнашган. Ундан кўзланган мақсад "таҳдидларга дарҳол муносабат билдириш имкониятини тасдиқлаш ва япон-америка альянсини мустаҳкамлаш" бўлган.
Kyodo агентлиги маълумотларига кўра, икки давлат ушбу машқлар орқали КХДРга "огоҳлантирувчи сигнал" жўнатган. Пхеньян 25 май куни баллистик ракета синовларини амалга оширган эди.
Аввалроқ АҚШ қуролли кучлари штаб бошлиқлари бирлашган қўмитаси раҳбари Марк Милли буюк давлатлар ўртасида уруш хавфи қайтганини маълум қилганди.
