Андижонда аппендицит бўйича операция қилинган аёл вафот этди
Ҳолат юзасидан терговга қадар текшиув бошланган.
Андижон вилояти Қўрғонтепа туманида аппендицити олиб ташланган аёл операциядан кейин вафот этди. Ҳолат бўйича вилоят прокуратураси расмий баёнот берди.
Жорий йилнинг 26 апрель куни Қўрғонтепа тумани “Қўштепа” МФЙ Мустақиллик кўчасида яшаган фуқаро Д.О. туман тез тиббий ёрдам бўлимига ўткир аппендицит ташхиси билан олиб келинган.
Шу куни жаррохлик операция ўтказилиб, операциядан кейинги ҳолати яхшиланмаганлиги оқибатида 2022 йил 28 апрель куни вафот этган.
Мазкур ҳолат юзасидан туман прокуратураси томонидан фуқаро Д.О. нинг ўлими сабабларини аниқлаш мақсадида комиссиявий суд-тиббий экспертизаси тайинланган. Ҳозирда терговга қадар текширув ўтказилмоқда.
