Россия Фарғонада минерал ўғитлар заводи қуриши мумкин
Вилоят ҳокими Хайрулло Бозоров россиялик инвесторлар билан музокара ўтказди.
Россия инвесторлари Ўзбекистонда минерал ўғит ишлаб чиқаришни йўлга қўймоқчи. Бу ҳақда "РосТОК" инвестицион ширкат директори Андрей Шкурин Фарғона вилояти ҳокими билан учрашувда маълум қилган.
Ҳоким Хайрулло Бозоров ишлаб чиқаришни йўлга қўйиш учун Қўштепа, Ёзёвон, Риштон ва Олтиариқ туманлари ҳудудини таклиф қилган. Инвестор лойиҳани бошлашдан аввал маҳаллий тупроқ таркибини ўрганилишини қайд этган.
Бундан ташқари, Фарғонада меҳмонхона қурилиши бўйича келишувга эришилган.
Аввалроқ Тошкент вилояти марказида Корея маркази қурилиши тўғрисида хабар берилганди.
