Россия гуруч ва дон экспортини тўхтатади
Бу қарор озиқ-овқат хавфсизлигини таъминлаш ва ички нархларни сақлашга қаратилган.
Россия жорий йилнинг 1 июлидан 31 декабрига қадар гуруч ва гуручли дон маҳсулотларини экспорт қилишни тақиқлаши мумкин. Бу ҳақда “Interfax” нашри хабар бермоқда.
Экспортни чеклаш Россия Федерациясининг озиқ-овқат хавфсизлигини таъминлаш, шунингдек, гуруч ёрмалари учун ички нархларни сақлашга қаратилган. Қишлоқ хўжалиги вазирлигининг прогнозларига кўра, 2022 йилда ялпи гуруч хомашёси 1,1 миллион тонна, шоли ёрмаси етиштириш 550 минг тоннани ташкил этиши керак эди. Бироқ апрел ойида мамлакатнинг асосий гуруч ишлаб чиқарувчиси бўлган Краснодар ўлкасидаги Федоровский сув иншоотида тўғон қулаб тушди.
Айни пайтда майдонда реставрация ишлари олиб борилмоқда. Экин экиш уларнинг тугалланиши ва оптимал агротехнологик муддатларга риоя этилишини ҳисобга олган ҳолда режалаштирилган.
