Путин Макрон ва Шольц билан телефонлашди
Суҳбатда Украинадаги вазият муҳокама қилинган.
Бугун, 28 май куни Россия Президенти Владимир Путин Франция Президенти Эммануел Макрон ва Германия концлери Олаф Шольц билан телефон орқали мулоқот қилди. Суҳбат давомида Украинадаги вазият муҳокама қилинган. Бу ҳақда Кремль матбуот хизмати хабар берди.
Қайд этилишича, Россия раҳбари Ғарб давлатларининг Украинага қурол етказиб бериши ўртадаги вазиятни янада ёмонлаштириши мумкинлиги ҳақида огоҳлантирган. Шунингдек, Путин Москва Киев билан музокаралар олиб боришга доим тайёрлигини, бирок Украина томони бу жараённи секинлаштираётганини айтиб ўтган.
Мулоқот давомида глобал озиқ-овқат хавфсизлиги масалалари ҳам кўриб чиқилган. Россия етакчиси дунёда очарчилик хавфининг пайдо бўлишини ўз мамлакатига нисбатан қўлланган санкциялар билан боғлаган. Путиннинг айтишича, Москва Украинадан дон экспорт қилишни қайта тиклашга тайёр.
