Қорақалпоғистонда маст ҳайдовчи автоҳалокатга учради
Ҳолат юзасидан ЙҲХХ маълумот берди.
Қорақалпоғистон Республикаси Элликқалъа туманида 2 та амтомобиль иштирокида йўл-транспорт ҳодисаси содир бўлди. Ҳолат юзасидан ЙҲХХ расмий маълумот берди.
Воқеа бугун, 27 май куни соат 16:20 атрофида Элликқалъа тумани Қилчиноқ ОФЙ ҳудудидан ўтувчи А-380 автомобиль йўлининг 615-километрида содир бўлган. 1980 йилда туғилган ҳайдовчи М.Н. йўл қоидаларини қўпол тарзда бузиб, “Lacetti” русумли автомобилни маст ҳолда бошқарган ва қарама-қарши ҳаракатланиш учун мўлжалланган томонга чиқиб кетган. Шундан сўнг рўпарасидан келаётган ҳайдовчи Ж.И. бошқарувидаги “Labo” русумли автомобиль билан тўқнашув содир этган. Зарб оқибатида “Labo” автомобили ағдарилган.
Ҳодиса оқибатида ҳеч ким тан жароҳати олмаган. ИИБ ЙҲХХ ходимлари томонидан ҳайдовчи М.Н. маст ҳолда автомобиль бошқарганлиги белгиланган тартибда расмийлаштирилган. Ҳозирда суриштирув ҳаракатлари олиб борилмоқда.
