Самарқандда 16 нафар “кўча жангчилари” ушланди
Улар икки гуруҳга ажралиб, ер масаласадида “разбор” ўтказишмоқчи бўлган.
Самарқанд вилояти Пахтачи туманидаги “Қорақўтон” маъданли майдонида ҳудуд талашиб, ўзаро “разбор” ўтказмоқчи бўлган фуқаролар қўлга олинди. Бу ҳақда вилоят ИИБ ахборот хизмати хабар берди.
Қайд этилишича, ИИБ ходимлари томонидан таркибида олтин моддаси бўлган тошларни талон-торож қилиш билан шуғулланувчи 2 та гуруҳ ўртасидаги жанжалнинг олди олинган.
Тезкор тадбир давомида 16 нафар шахс қўлга олиниб, уларга нисбатан маъмурий қамоқ жазоси тайинланган.
