Андижон ҳокими спортчи қизга 3 хонали уй берди
Азиза Ёқубова Туркияда ўтган бокс мусобақасида тарихий натижа қайд этган.
Кеча, 28 май куни Андижон вилояти ҳокими Шуҳрат Абдураҳмонов Андижон Олимпия жамоаси коллежида мураббийлар, мутахассислар ва спортчилар билан мулоқот ўтказди. Бу ҳақда Спортни ривожлантириш вазирлиги хабар бермоқда.
Суҳбат давомида ҳоким Туркияда бокс бўйича аёллар ўртасида ўтган Жаҳон чемпионатида 50 кг вазн тоифасида бронза медалини қўлга киритган Азиза Ёқубовага Андижондан 3 хонали уй совға қилинганини эълон қилган.
Маълумот учун: Туркияда 6-20 май кунлари аёллар ўртасида мусобақа бўлиб ўтган. Унда ўзбек спортчилари 2 та бронза медални қўлга киритиб, тарихий натижа қайд этишган.
