Россияни террорчи давлат деб тан олиш вақти келди — Зеленский
Бу бўйича Президент Европа кенгашига мурожаат қилмоқчи.
Украина Президенти Владимир Зеленский жаҳон ҳамжамияти Россияни қонуний равишда террорчи давлат деб тан олиш вақти келганини айтди. Бу ҳақда у 28 май кунги видеомурожаатида таъкидлаб ўтган.
Давлат раҳбарининг айтишича, рус армияси 28 май куни Суми вилоятига ваҳшийларча ҳужум уюштирган. Шунингдек, Николаевнинг ўққа тутилиши оқибатида бир киши ҳалок бўлиб, етти киши жароҳатланган.
“Мен дунёга қайта-қайта эслатиб ўтаман, Россия расман террорчи давлат, терроризм ҳомийси деб тан олиш керак. Бу шунчаки ҳақиқат. Босқинчилар бу ҳаракатини Европага олиб чиқишни хоҳлайди”, — деган Зеленский.
Айни пайтда Президент 30-31 май кунлари бўлиб ўтадиган Европа кенгаши йиғилишига тайёргарлик кўрмоқда.
“Мен йиғилиш иштирокчиларига бу бўйича мурожаат қиламан. Фақат биргаликда, барча европаликлар жам бўлиб Россиянинг бундай сиёсатини тўхтата оламиз”, — даган у.
Жавоҳирбек ТУРСУНОВ
