Зеленский Харьковга ташриф буюрди
Президент у ерда ҳарбийлар билан учрашув ўтказган.
Бугун, 29 май куни Украина Президенти Владимир Зеленский Харьков вилоятига ташриф буюрди. Бу ҳақда Президент девони рахбари Андрей Ермак ўзининг телеграм каналида хабар берди.
Маълум қилинишича, давлат раҳбари ҳарбийлар билан учрашув ўтказиб, уларнинг айримларига мукофот топширган. Шунингдек, уй-жой фондини модернизация қилиш бўйича йиғилиш ўтказган.
Маҳаллий ОАВнинг ёзишича, бу Президент Зеленскийнинг Россия махсус операцияси бошланганидан буён Киевдан ташқарига уюштирган илк сафари ҳисобланади.
