Назарбоев: Глобал ядро хавфсизлиги масаласида ишлаяпман
Қозоғистоннинг биринчи президенти халқаро майдондаги алоқалари ҳақида гапирди.
Қозоғистоннинг биринчи президенти Нурсултон Назарбоев глобал ядро хавфсизлиги масаласи билан шуғулланишда давом этаётганини маълум қилди.
"Истеъфога чиққанимдан сўнг, мен билан кўплаб давлат раҳбарлари боғланди ва ўз мамлакатига таклиф қилди. Улардан миннатдорман. Уларнинг айримлари билан алоқаларни сақлаб қолганман. Евроосиё иқтисодий иттифоқи, Туркий давлатлар ташкилотининг яратилишида бевосита қатнашганман ва улар мени фахрий раис сифатида сайлаган.
Шу билан бирга глобал ядро хавфсизлигига эътибор қаратяпман. Менинг топшириғим билан Семипалатинск ядро полигони ёпилгач, Қозоғистон ядровий қуролсизланиш бўйича дунёнинг етакчи давлатига айланганди", деб қайд этган Назарбоев сиёсатшунос Данияр Ашимбаевга берган интервьюсида.
Аввалроқ Шавкат Мирзиёев ва Қосим-Жўмарт Тўқаев ўртасида телефон мулоқоти бўлиб ўтгани тўғрисида хабар берилганди.
