Тошкентдаги “Имзо” фабрикасида ёнғин юз бергани айтилди
Ҳолат юзасидан ФВВ маълумот берди.
Бугун, 31 май куни соат 18:11 да Тошкент шаҳар Янгиҳаёт туманининг Нилуфар кўчасида жойлашган сехда ёнғин содир бўлди. Бу ҳақда ФВВ ахборот хизмати хабар берди.
Қайд этилишича, 6 та ёнғин-қутқарув экипажи, 2 та махсус техника зудлик билан воқеа жойига етиб борган ва олов соат 18:51 тўлиқ бартараф этилган.
Ҳодиса оқибатида ҳеч ким тан жароҳати олмаган. Бинонинг сендвич панелли том ёпмасининг тахминан 300 квадрат метр майдони ёниб зарарланган. Тезкор харакатлар натижасида бинодаги маҳсулотлар ёнғиндан сақлаб қолинган
Айни вақтда ёнғиннинг келиб чиқиш сабаби ва келтирилган моддий зарар миқдори аниқланмоқда.
