Мўғулистон ташқи ишлар вазири ўринбосари Ўзбекистонга ташриф буюради
Икки мамлакат ишбилармон доиралари иштирокида бизнес-форум бўлиб ўтади.
Мўғулистон ташқи ишлар вазири ўринбосари Батсумбер Мунхжин бошчилигидаги делегация Ўзбекистонга ташриф буюради.
Ташриф Жорий йилнинг 2–5 июнь кунларига тўғри келади. Делегация таркибида Мўғулистон бизнес тузилмаларининг қатор раҳбарлари бор.
Учрашувда Ўзбекистон-Мўғулистон сиёсий, савдо-иқтисодий ва маданий-гуманитар алоқаларини кенгайтириш масалаларини муҳокама қилиш мақсадида Ташқи ишлар, Инвестициялар ва ташқи савдо ҳамда Қишлоқ хўжалиги вазирликларида музокаралар ўтказиш мақсад қилинган.
Ўзбекистон Савдо-саноат палатасида икки мамлакат ишбилармон доиралари ва йирик компаниялари вакиллари иштирокида музокаралар ҳамда бизнес-форум ташкил этилиб, қишлоқ хўжалиги маҳсулотларини Мўғулистон бозорига экспорт қилиш бўйича янги лойиҳа ва шартномалар муҳокамасига бағишланади.
