АҚШ ва Европа Украинада эҳтимолий ярашув масаласини муҳокама қилди
Бу музокаралар Киев иштирокисиз ўтказилган.
АҚШ администрацияси вакиллари сўнгги ҳафталар давомида Украинада ўт очишни тўхтатиш масаласида Европадаги иттифоқчилари билан музокара ўтказгани маълум бўлди.
CNN маълумотларига кўра, Киев бу мулоқотда иштирок этмаган. Телеканал билан суҳбатлашган манбалар ушбу маслаҳатлашувлар аниқ режа асосида ўтказилмаганини таъкидлаган. Аммо Вашингтон Киевга ҳудудий ён беришлар масаласида босим ўтказмаслиги маълум қилинган.
Бу каби учрашувлар ўтказилса-да, АҚШ администрацияси низо томонларининг ярашувга тайёр эмас, деган фикрда. Аммо можаронинг чўзилиши глобал иқтисодий инқирознинг чуқурлашувига олиб келади. Шу билан бирга Қўшма Штатлар Украинани "узоқ вақт қўллаб-қувватлашига" ишонмоқда.
Аввалроқ Интерпол Украинадаги қуроллар тақдиридан хавотир билдирганди.
