Қашқдарёда ИИБ ходими фуқарога қўпол муносабатда бўлди

 

Ижтимоий тармоқда Қашқадарё вилояти Қарши шаҳрида ИИБ профилактика инспектори фуқароларга қўпол муносабатда бўлгани акс этган вилеолавҳа тарқалди. Ҳолат юзасидан вилояти ИИБ ахборот хизмати расмий муносабат билдиирди. 

Қайд этилишича, 3 июнь куни соат 21.30 атрофида Қарши шаҳрининг “Оқтепа” МФЙ ҳудудидаги Яккасарой кўчасида ҳаракатланиб келган “ВАЗ-2107” русумли автомашина ҳайдовчиси фуқароларга хавф туғдиргани боис тўсатдан тўхтаган. Шу вақтда профилактика инспектори келиб, ҳайдовчидан автомашина ҳамда шахсига оид ҳужжатларни сўраганда, ҳайдовчи ҳеч қандай ҳужжати йўқлигини маълум қилган. 

 

Ҳайдовчи таянч пунктига таклиф қилиниб, шахсига ойдинлик киритилганда, у Қарши шаҳар “Ғофур Ғулом” МФЙда яшовчи фуқаро Х. Д. Экани маълум бўлган. ЙПХ инспектори томонидан унга нисбатан Ўзбекистон Республикаси Маъмурий жавобгарлик тўғрисидаги кодекснинг 135-моддаси 2-қисмига кўра маъмурий баённома расмийлаштирилган. 

 

Шундан сўнг автомашина вақтинча сақлаш учун жарима майдончасига олиб кетилаётганида воқеа жойида пайдо бўлган фуқаро И. Н. автомашина унга тегишли эканлигини айтиб, ичида кўп миқдорда пули борлигини, йўқолса ИИБ ходими жавоб беришини айтган. 

 

Профилактика инспектори фуқарога автомашинадаги қимматбаҳо буюм ва пулларини олишини ёки далолатнома асосида тақдим этишини таклиф қилганида, пулларини олмаслигини айтиб, кетишга уринган. Ходим уни тўхтатиб, пулларини ёки мулкини кўрсатишини талаб қилган пайтида фуқаро И. Н. автомашинани жарима майдонига олиб кетишга тўсқинлик қилган.